A8 autobidetik bagoaz, Bilbo nahiz Donostiarako bidean;Zornotza eta Gernikarako irteera hartu beharko dugu. Autopistatik irtengo gara eta Gernikara abiatuko gara, Zornotzako hirigunea zeharkatu behar izan gabe, BI-635 errepidetik. N-634 errepidetik ere hel gaitezke Zornotzara (autopista erabili behar izan gabe). Gernikara iritsi bezain laster, herria zeharkatuko dugu Bermeorantz abiatuz. Forua, Murueta, San Kristobal eta Axpeko herriak zeharkatu ondoren, Sukarrietara helduko gara. Herria zeharkatzen duen errepidetik jarraituko dugu eta aldapa bat igotzen hasiko gara. Honen erdialdean, eskuineko aldean, Zaldua Erretegia dago, eta metro batzuk aurrerago erretegiko aparkalekurako sarrera.